Random Thoughts from Maria – ماريا

‏📚Random Thoughts from Maria 📚
🌼كتاب خيري باللغة الانچليزيّة🍀
☀ 60 شاقل (70% من المبلغ سوف يخدم مشاريع خيريّة، تطوعيّة، و تبرعات لعائلات في ضائقة مادّية)

خلال سنة ال 2018 زي كل سنة, كنت كل الوقت اطرح اسئلة و مواضيع الي انا و انتو منضيع فيها اوقات و مندفع ثمنها و اوقات منتعلم منها، مواضيع بمجالات مختلفة زي : عيلة، صداقات، حب، خسارة، موت، مهنة، تعليم، تطوّع، مساواة، حقوق انسان، تجارب، عطاء، مساعدة، شغف، استهلاك، فلسفة، علم النفس، طبيعة، قيادة، تغيير مجتمعي، كرامة، قيمة الذات، بدايات جديدة، نهايات، مفترقات طرق، مشاعر، اختيارات، شفاء، تسامح، نسيان، ثقة، صراحة، احلام، تغييرات، نمو, تعاطف و تطوّر و مواضيع بين لبين. بحكيش نظريّات ولا ببّشّر, انما كل يوم بل 2018 قررت اكتب اشي حسّيتو، مرقت فيه او استوعبتو بعد كل هالسنوات عالكرة الارضيّة!! بحكي من تجاربي، من دروس تعلمتها عجلدي، من فرص سنحتلي، ظروف قمعتني، من حالات موت أُجبرت اواجهها، صداقات خسرتها، من حب انتهى، امتيازات خلقت معها، معارك خضتها، جمل سمعتها، من محادثات تعلمت منها، اشهر سافرتها لحالي !! بكتب جمل بتشجّع، بتعطي امل، جمل بتطرح اسئلة، كلمات بتضوي ضو جديد بحياتنا، بناقش مواضيع اوقات منتجاهلها، بشارككو بافكار و اراء اخدلي سنين افهمها و اتعلم منها، جمل قصيرة، خفيفة نظيفة، قراءتها سريعة بس بدها ساعات الواحد يستوعبها، و حبّيت كلن اجمعهن بكتيّب اللي فيو جمل ع عدد ايام السنة “الكبيسة” (366) ، الكتاب فيّو كل صفحة بتحمل فكرة و تحت كل فكرة في مجال تكتبو شو بدكو و تعبرو عن شو فكّرتو و شو حسّيتو او اي ملاحظة بدكو تكتبوها لانفسكو، حبّيت انو كتابي يكون زي يوميّات لحياتكو لمدة سنة اللي انتو بتقرّرو وينتا تبدوها (مش 1.1) و لمّا تشترو الكتاب بتكونو تبرّعتو ب حوالي 70%؜ من حقّه لناس بحاجة لدعم مادي، عائلات و بيوت بتعاني من مأزق مادّي اللي بصعّب عليهن حياتهن، اطفال, ايتام, صبايا و شابات الّي و واجبي ك انسانة اعمل اشي اتجاهن و مع الموضوع, و انا اخترت انو هاي المرّة عن طريق موهبة الي بعزها عقلبي (الكتابة) انّو اكتب اشي يفيدكو بالفحوى و يفيد كتير ناس و بيوت (بالمبيعات)و تكونو عم تقرو اشي نغش و لطيف بشجّع و بحفّز و ممكن يجاوبكو ع اسئلة او يطرح كمان اسئلة، بس الاكيد بعطيكو امل انو احلامكو راح تتحقق اذا بتشتغلو عشانها صح و انو العالم كبير و فيو كتير مشاكل الي انا و يّاكو بنفع نحل جزء منها🖤