سوا – رواد السانتي

اهم الخطوات إلي بتعملها بطريقك “للنسيان” هو انّك تركّز بالإنسان إلي بحضنك، مش بالإنسان إلي ببعد عنّك.
وكلنا بأخر المطاف منعرف، انو ما في اشي اسمه نسيان، فش نص بتقدر تحكيه وانت قاعد مع حالك بخلّيك تنسى، فش خطّه معيّنه. الإشي الوحيد إلي بصير، هو انك شي يوم، رح تيجي الذكرى ع بالك، ومش رح تاثّر عليك، يمكن تضحك، وتحكي زمان، ويمكن تتنهّد وتحكي الحمدلله. بس الاكيد، انك رح تتطلّع بحالك وانت فخور، لأنه بهديك الليلة، رح تذكرك بوين انت كنت ووين انت اسا، قديش كنت قوي بهالطريق، وقدّيش ربنا ضل معك لحتّى وصلت لمرحلة، إلي بتقدر تتذكّره، وما تدمرك الذكرى ولا تنزلك دمعة، بالعكس يزيدك قوّة لانّك ما تدمّرت، انت بعدك بتتنفّس.
الدواء مش انك تتناسى، مع انه يمكن الإشي يساعدك، بس يمكن برضه يزيدك احباط انّك عم بتمثّل، ف افضل اشي تساوي هو انّك تتأقلم، تعرف وين سعادتك وتروح، بكفّي تلحق انسان إلي بآخر إليوم كل اشي رح يخلّيلك اياه هو شويّة جروح.
لازم تكمّل، بدون هالإنسان إلي ما اعطاك حقّك وانت تحكيله انّك ما رح تعيش بدونه، بس رح ييجي إليوم إلي تقدر تطلّع عليه وهو عم يبعث رسالة وانت تيجي وتحكيله انسى كل اشي ومبروك عليك البعد.