تعبان..!💔
اليوم فوتت ع دار ع ساعة 00:00 بليل💔. فوتت ولقيت الدار ملآنة، سلمت وقعدت عادي زيه زي أي حدا. فجأة الكل بكون صافن فيّ، بيقولوا لي: مالك اليوم؟ انت مش ع بعضك، وجهك مصفر، شو صاير معك؟
رفعت راسي وطلعت، صفنت فيهم، كلهن مستغربين: شو في؟ لهدَرجة مبين عليّ الزعل والتعب؟ لهدَرجة مبين عليّ مهدود حيلي؟
مش عارف صراحة شو أحكي، بقيت صافن فيهم 💔💔. أخدت نفس كبير وقلت: لا لا، أنا منيح… بس صراحة التعب كتير جواتي. قاعد بخسر كلشي حولي، وقاعد أشوف كل الضربات القوية فيّ 💔🥀.
سكتت ورجعت كملت صفنتي وماسك سجارتي💔. بدخن وبفكر بالأشياء اللي بتصير معي: إنو لوينتا؟ لوينتا بدي أضل هيك؟ لوينتا بضل أتوجع وأضل مدايق وأضل تعبان؟
قرفت الدنيا. بس كل ما أضعف أكتر وأوكل ضربات جديدة، برجع بقول: الحمد لله 💔.
أخخخخخ ياربي، لي هيك الحياة؟ لي هيك بصير معي؟ بس يا رب فرّجها عني عن قريب.
من كتر التعب اللي فيه وعَ قد ما سألوني مالك ومش ع بعضك، مسكت التليفون وبلشت أكتب وأحرق بدخاني شوي شوي. وكل سيجارة ورا التانية برجع بقول: الحمد لله يا رب 🤲🏻🥀.
تصبحوا على خير 💔🥀
—
بقلم مجهول
المزيد من النتائج